Претседателот на Република Турција, Реџеп Тајип Ердоган, со највисоки државни почести во Анкара денеска, го пречека рускиот претседател Владимир Путин. Ердоган го пречека Путин на влезот во претседателската палата, а потоа беа интонирани двете химни.

По пристигнувањето пред претседателската палата, Путин ги поздрави војниците во почесната стража со зборовите “мерхаба аскер” (поздрави војници).

По заедничкото фотографирање пред претседателската палата, Ердоган и Путин присуствуваа на видео-конференција за поставување на камен-темелник за изградба на првата турска нуклеарна централа Аккују.

Ердоган рече дека денес е сведок на историски момент во контекст на развојот на земјата, како и енергетска соработка со Русија.

Рускиот претседател Владимир Путин изјавил дека турската нуклеарна централа Аккују ќе биде безбедна и еколошка.

После тоа, се планира билатерален состанок, а потоа Ердоган и Путин ќе претседаваат со седмиот состанок на Советот за соработка на високо ниво меѓу Турција и Русија.

По состанокот е планирано потпишување на договорот, проследено со заедничка прес-конференција, по што следи вечера во чест на рускиот претседател Путин.

Путин, исто така, ќе присуствува на трилатералниот самит на Турција, Русија и Иран за време на претстојниот ден во Анкара, а тема на самитот е Сирија.

Извор:(Vijesti / AA)

Откажи одговор

Ве молиме внесете го вашиот коментар
Ве молам ставете го вашето име