CRNAGORA-IZBORI

Ѓукановиќ на чело на Црна Гора во следните пет години

Според прелиминарните резултати од претседателските избори во Црна Гора, од сите обработени податоци од гласањето, кандидатот на ДПС Мило Ѓукановиќ освоил 53,8 отсто од гласовите, додека Младен Бојаниќ 33,5 отсто.

Според Центарот за демократска транзиција правото на глас го искористиле 64 отсто од запишаните 532.599 гласачи.

Ѓукановиќ прогласи победа на претседателските избори, истакнувајќи дека резултатите се потврда на решеноста на  Црна Гора да го продолжи патот на европскиот квалитет на живот и членството во ЕУ.

Во победничкиот говор, тој рече дека нема да ги изневери очекувањата на граѓаните.

Наместо порака до противкандидатите, Ѓукановиќ им се обрати на опозициските лидери.

-Овој резултат е толку убедлив и надмоќен што ова е прилика да ги преиспитате вашите политички позиции, дека ништо добро не може да се постигне со негирање на постигнатото до кое дојде Црна Гора, рече тој.

Бојаниќ на прес конференција изјави дека Црна Гора гласала, како што гласала и им порача на гласачите дека изборниот пораз да не го сфатат како пораз. Бојаниќ рече дека нема да му ја честита победата на Ѓукановиќ.

-Нема да му ја честитам победата бидејќи немам што да мучеститатм. Да сум на негово место не би се радувал, туку би се срамел од ваква победа, изјави Бојаниќ.

Тој и порача на опозицијата да размисли како да се постави пред локалните избори закажани за 27 мај, и дека нема намера да основа партија.

На изборите учествуваа 7 кандидати: Марко Милачиќ, Младен Бојаниќ, Хазбија Калач, Василије Миличковиќ, Добрило Дедеиќ, Драгиња Вуксановиќ и Мило Ѓукановиќ.

Кандидатката на СДП, Вуксановиќ има поддршка од 8,1 отсто. Кандидатот на Вистинска Црна Гора Милачиќ има поддршка од 2,8%, а кандидатот на Партијата на правда и помирување Калач 0,8%. Миличковиќ освоил 0,5, а дедеиќ 0,4 отсто.

Шефот на набљудувачката мисија ЦЕМИ Златко Вујовиќ изјави дека се регистрирани голем број неправилности, но дека се работи за многу помал број одошто на парламентарните избори во 2016, кога имаше силно изразени тензии. Исто така тој укажа на значително помалиот одѕив во однос на парламентарните избори.

Претседателот на ДРИ Марсудин Даутович оцени дека изборите поминале во мирна атмосфера и дека граѓаните покажале зрелост и одговорност.

Тој истакна дека ДРУ немала никаква работа во текот на гласањето и дека е добиен само еден приговор од Младен Бојаниќ. По тој повод ДРИ одржал вонредна седница и заклучиле дека приговорот е преуранер, односно претходно требало да биде поднесен до општинските  изборни комисии.

Кандидатот на Вистинска Црна Гора Милачич изјави дека ова не е победа, туку пораз на целото црногорско општество и обвини дека ова е влез во диктатура, односно земјата веќе четврта деценија е без измена на власта.

-Влегуваме во тешка фаза како општество и мора да се избориме со тоа, изјави тој.

Драгиња Вуксанович изјави дека резултатите покажале очигледен проблем кај опозицијата, односнод ека за кандидатото Бојаниќ не гласале оние кои го поддржале.

Првата жена кандидат за претседател на Црна Гора им се заблагодари на своите гласачи и рече дека Ѓукановиќ не заслучува нејзина честитка, поради начинот на кој ја водел кампањата.

Претседателот на Црна Гора има мандат од 5 години.

Мило Ѓукановиќ досега во шест мандати беше премиер и во еден мандат претседател на Црна Гора.

Актуелниот претседател Филип Вујановиќ на оваа функција е веќе 15 години.

Црногорската опозиција е длабоко поделена на проруска и просрпска, а ниту долги преговори не успеа да се обедини околу еден претседателски кандидат.

Извор:НоваТВ




Leave a Reply

Your email address will not be published. Required fields are marked *


× 4 = four

%d bloggers like this: