Владината зграда спремна новиот натпис „Влада на Република Северна Македонија“

0
54

После добивањето на Вербалната нота со која денеска

Со добивањето на Вербалната нота, денеска Атина ќе го информира Скопје дека договорот од Преспа и Протоколот за членство во НАТО се ратификувани, и со исполнувањето на правните услови за влегување во сила на конечната спогодба и уставните амандмани, започнува примената на новото име Република Северна Македонија.

фото: Независен

Во Службен весник ќе биде објавен датумот на влегување во сила на уставните амандмани и уставниот закон.

Потоа, како што најави МНР, Република Северна Македонија и Република Грција ќе достават заедничко писмо до генералниот секретар на ООН, со кое го информираат генералниот секретар Антонио Гутереш за датумот на влегување во сила на конечната спогодба, со што се става крај на повеќедеценискиот билатерален спор меѓу двете земји.

За промената на името ќе бидат информирани и Секретаријатот на ООН, земјите членки, земјите набљудувачи на ООН, како и сите останати меѓународни организации.

Во меѓувреме, почнаа и практичните подготовки за примена на новото име. Од зградата на Владата веќе е отстранет натписот „Влада на Република Македонија“

Владата формира Интерресорска група која ќе треба да изработи Национален акциски план за спроведување на натамошните мерки и активности, а во рок до седум дена државните институции, граничните премини и диоломатско-конзуларните претставништва ќе треба да ги сменат таблите со новото име на државата – Република Северна Македонија.

Од Владата не очекуваат проблеми од државните институции при користењето на новото име на државата.

Употребата на новото име на државата ќе биде усогласено и со Законот за употреба на јазиците што значи дека таблите ќе бидат напишани и на албански јазик бидејќи, како што изјави неодамна владиниот портпарол Миле Бошњаковски, Албанците се 20 проценти на државно ниво.

Препораки за промена на таблите ќе добијат и единиците на локалната самоуправа, а секторите и службите за односи со јавност на државните и јавните институции ќе добијат насоки за употреба на уставното име.