Спотот со свитканата кичма на ВМРО-ДПМНЕ предизвика остри реакции на социјалните мрежи. ДУИ објави дека Насер Зибери е нивниот кандидат за премиер. СДСМ, пак, одат со стандардни пораки за сработеното и ветувањата. Дел од граѓаните препорачуваат самоизолација додека да помине кампањата.
Кампањата за предвремените парламентарните избори почна, односно продолжи по одложување поради пандемијата на коронавирус. На 20 дена до изборите партиите почнаа „под полн гас“.
Најголеми реакции предизвика новиот предизборен спот на ВМРО-ДПМНЕ за свитканата кичма.
Време е да се исправиме и да ги исправиме неправдите. Доста се неуспеси. Време е за чест, почит и развој. Време е за обнова и повеќе за секого.Исправи се Македонијо!Одбери обнова!
Gepostet von Hristijan Mickoski am Dienstag, 23. Juni 2020
Голем дел од реакциите се дека спотот е навредлив за лицата со хендикеп, дека има лоша режија и сценарио, луѓето ги смета за идиоти и го покажува месијанскиот комплекс на лидерот на ВМРО-ДПМНЕ, Христијан Мицкоски.
не, ок, некој го напишал сценариото, па некој го одобрил, па некој го снимил, па некој учествувал во снимањето, па некој го монтирал, ама на крај, бе, некој го изгледал и рекол „ок, може да оди“
— Хермиона (@kvkriss) June 24, 2020
Од друга страна, други потсетуваат дека слични реакции имаше и за предизборните спотови на партијата на српскиот претседател Александар Вучиќ, која минатата недела убедливо победи на изборите во Србија. Пораките се јасни и имаат прецизна таргет група на луѓе. Нема да го носат на филмски фестивали, туку треба да убедат луѓе да гласаат за нив или барем да не гласаат за нивните противници реагираат други.
Што е, смешни ви се свиткани кичми?
Па такви бевте вие на референдумот, дури и бетер
— БаБаРоГ /////////// (@LepceSoSalamce) June 24, 2020
Спотот сепак ја поттикна креативноста, па се појавија бројни монтажи. Делува шашаво, ама функционира.
Првиот предизборен спот на ДПМНЕ…за свиткана кичма, купи си космодиск. Делува шашаво, ама функционира. pic.twitter.com/gKhG5LnMCe
— Криминалите на ВМРО ДПМНЕ (@Kriminali_DPMNE) June 24, 2020
Други, пак, ги асоцира на делот кога зомбијата стануваат од спотот за песната Трилер на Мајкл Џексон.
Добар е новиот спот на Мајкл Џексон. pic.twitter.com/7Phj6VPn2J
— Man (@Goran_Man) June 24, 2020
Некои, пак, иронизираат во спотовите да има и дете што јаде сладолед или манекен со двоцевка.
Ако нема против @Mile_Panika , би сакал да им дадам идеја на партииве за реклама со еден од најдобрите скечеви ? pic.twitter.com/HJ7S3dpflN
— Joker (@TheNewTweetGuy) June 24, 2020
ДУИ, пак, во меѓувреме го соопшти името на нивниот кандидат за премиер-Албанец: поранешниот пратеник од ПДП, Насер Зибери и продолжува со нивната кампања „Зошто да не?“ или на албански „Pse jo“.
Дел од медиумите потсетија на претходните изјави на Зибери дека изјавата за премиер Албанец не е атрактивна, за само неколку дена подоцна да објави дека токму тој е кандидатот.
За колку денови Насер Зибери менува ставови ?
—
денес:
• идејата за Албанец премиер е национален проект
—
неколку дена претходно:
• идејата за Албанец премиер не е атрактивна, не може да влијае на расположението кај гласачите и предизвикува негативна конотација pic.twitter.com/AakN82kJ7k— Демир (@Trollowsky) June 24, 2020
Некои се потсетија на старите скечеви на К-15 од 90-тите, кога се шегуваа со тогаш младиот пратеник Зибери.
Çorape te bardha?Pse jo…
Gepostet von Божидар Божиновски am Mittwoch, 24. Juni 2020
Други, пак, прашуваат како планира ДУИ да има премиер на сите граѓани без македонско знаме на митинзите и без кампања на македонски јазик.
Pse јo, македонско знаме во кампањата за албанец премиер на Македонја?
— Миле Паника (@Mile_Panika) June 24, 2020
Владејачката СДСМ, пак засега се одлучи на класична кампања со која го нагласува сработеното и зборува за идните планови.
Во каква земја сакаме да живееме?#Можеме #СДСМ pic.twitter.com/UiETjkxgNa
— Зоран Заев (@Zoran_Zaev) June 24, 2020
Во меѓувреме е-маил сандачињата на новинарите се полни со информации за промотивните кампањи на партиите.
Прв ден кампања…
Gepostet von Ognen Cancarevik am Mittwoch, 24. Juni 2020
Повеќе на:РСЕ