Struga_izlozba_640x360

Струга пред 50 години низ фотографии на холандски туристи

Преку фотографии на тројца холанѓани, ќе видиме како изгледала Струга и околината пред пет децении.

Утревечер ќе биде отворена изложбата “По стапките на А.Ден Долард” која произлезе како резултат на случајна виртуелна средба на тројца холандски туристи од седумдесетите и Владислав Жупан.

Marija Koopman, Fred Volpp и Carlus Koopman кампувале на брегот на Охридското езеро во регионот на Струга, во периодот 1973/75 година. Во тоа време многу холанѓани доаѓале во Македонија, а иницијална каписла за ваквиот интерес биле книгите на холандскиот писател А. Ден Долард. Овие тројца туристи секојдневно ги снимале и фотографирале свирачите на локалните свадби, струшките чалгиски тајфи, уличните свирачи на автобуската станица, децата од градот како и свадбите и обичаите во околните села.
Сега по речиси пет децении, тие ќе дојдат во Струга да ја отворат оваа изложба на фотографии и аудио матреријали.
Изложбата ќе се одржи во Домот на културата во Струга, а свеченото отворање е закажано за 19 часот.
Еден од организаторите е и струшкиот музеј “Д-р. Никола Незлобински”, каде по завршувањето, изложбата ќе стане дел од музејските материјали.

Сликите од изложбата ќе ги има и на интернет, во насока на поттикнување на холандските туристи да ги споделуваат и своите фото спомени од престојот во Охрид и Струга и повторно да дојдат овде. (Крај)

извор: ОхридПрес  фото: fb/vladislav zupan




Leave a Reply

Your email address will not be published. Required fields are marked *


+ nine = 14

%d bloggers like this: