RASIM

Србија и Турција ќе потпишат договор за слободна трговија

Србија и Турција на 10 октомври ќе потпишат договор за слободна трговија, со што ќе ја зголемат трговската размена и слободната трговија со услуги и инвестиции, соопшти кабинетот на српскиот вицепремиер и министер за трговија, туризам и телекомуникации Расим Љајиќ.

Договорот ќе биде парафиран за време на официјалната посета на турскиот претседател Реџеп Таип Ердоган на Србија, на 10 и 11 октомври годинава.

Љајиќ денеска во Анкара заедно со министерот за економија на Турција, Нихат Зејбекчи го усогласија текстот на новиот договор за слободна трговија меѓу двете земји.

Новиот текст на договорот предвидува за првпат бесцарински извоз на 5.000 тони говедско месо годишно од Србија во Турција.

Српските производители, исто така, првпат на турскиот пазар без царини ќе можат да ги извезуваат дефинираните квоти на сурово и рафинирано сончогледово масло, семки од сончоглед и одредени видови пекарски производи.

Првпат со овој договор се дефинира и слободната трговија со услуги (финансии, транспорт, телекомуникации, копродукција, итн.), што значително ќе придонесе за подобрување на инвестициската клима и зголемување на интересот на турските инвеститори во Србија. Со ова, воедно и на српското стопанство ќе му се отвори простор за трговија со услуги во Турција, се наведува во соопштението од кабинетот на вицепремиерот Љајиќ.

Извор:НоваТВ




Leave a Reply

Your email address will not be published. Required fields are marked *


− 5 = four

%d bloggers like this: