glasanje

Спласнува мотивацијата за гласање кај граѓаните

На локалните избори в недела не се очекува толку голема излезност како на парламентарните избори минатата година. Експертите посочуваат дека е многу тешко со месеци да се задржи високото ниво на политичка заинтересираност кај граѓаните.

Мотивираноста на граѓаните да излезат да гласаат на претстојните локални избори очигледно е дека ќе биде помала од онаа на минатогодишните вонредни парламентарни избори, вели Марко Трошановски од Институтот за демократија. Тој забележува дека луѓето не се многу расположени да гласат за политичка промена, со оглед дека промената на власта веќе се случи на централно ниво и дополнува дека е многу тешко повеќе месеци во континуитет да се одржува високо ниво на политичка заинтересираност.

„На некој начин луѓето ја проживеаја катарзата од политичката криза низ гласањето на парламентарните избори. Со оглед на тоа дека кризата е помала и луѓето сега се помалку мотивирани да гласаат за или против. Очекувам да се движи околу стандардот од 64 – 66 проценти излезност“, вели Трошановски.

Граѓаните кои ни рекоа дека се мотивирани да излезат да гласаат за советници и градоначалници во Скопје наведуваат дека и на претходните избори не се откажувале од своето право на глас.

Извор:slobodnaevropa




Leave a Reply

Your email address will not be published. Required fields are marked *


nine × 9 =

%d bloggers like this: