Илон Маск изјави дека сака следниот „Роудстер“ да може да лебди над земјата.

Маск веќе вети дека некои верзии на „Роудстер“ ќе доаѓаат со ракетни придвижувачи.

Извршниот директор на Тесла се појави на подкастот Џо Роган Експириенс, кога домаќинот праша за следната генерација на електричниот автомобил Тесла Роудстер.

Маск, кој има историја да дава големи, футуристички ветувања за Тесла, кои не ги одржува секогаш, одговори: „Сакам да лебди, и се обидував да дознаам како оваа работа да лебди, без знаеш, да убиваш луѓе. ”

“Мислев дека можеби можеме да направиме да лебди, но не премногу високо. Можеби може да лебди метар над земјата, или нешто слично. Ако паднете, ќе ја разнесе суспензијата, но вие нема да умрете, ” додаде тој.

Маск рече дека компанијата го завршува инженерството на „Роудстер“ оваа година и се надева дека ќе започне со испорака во 2022 година.

„Ќе додадеме ракетна технологија во тој автомобил“, рече Маск.

Ова не е прв пат Маск да рече дека Roadster ќе има ракетна функционалност. Во 2018 година тој објави на Твитер дека ќе има верзија на автомобилот со „пакет со опции SpaceX“ со „десет мали ракетни придвижувачи“.

Маск му рече на Роган дека стандардниот „Роудстер“ ќе има две мали задни седишта слични на „Порше“, додека пак пакетот со опции „Спејс Икс“ ќе има „еден куп иновации“ наместо двете задни седишта.


„Maski magazin – Faktor“